Credir i Gaer Drewyn, y bryngaer uwchben glannau ogleddol yr Afon Dyfrdwy gyferbyn Pen-y-Pigyn, gael ei adeiladu yn ystod Oes yr Haearn ond bu rhywun yn byw ynddo yn ystod cyfnodau o heddwch ac yn ystod rhyfeloedd am ganrifoedd wedyn.

Cafodd ei ddefnyddio gan y Cymry yn 1165 yn erbyn ymosodiad Harri II ac yn ddigon posib i Owain Glyndwr ei hun ei ddefnyddio yn ystod ei ymgyrch yn erbyn y Saeson.

Mewn mannau mae’r cloddiau carreg sych sydd wedi’u dymchwel yn dal i gyflwyno parapet a llwybr. Yn ystod Oes yr Haearn, yn fwy na thebyg roedd y waliau yn drwchus gyda thai crwn pren, ond yr unig gwt a welir heddiw yw llwyfan grwn wastad yn agos i’r ochr ddwyreiniol (gyferbyn â charreg fawr yn sylfaen y rhagfur).