Gellir mwynhau ciniawa a the ym Mhlas Corwen, Gwesty’r Owain Glyndwr a Chaffi Treferwyn tra bod prydiau nos ar gael yn Owain Glyndwr.

I’r rhai hynny ohonoch sydd yn chwilio am rhywbeth sydyn i’w fwyta mae siop pysgod a sglodion, Parry’s Plaice, siop cebab a pizza, a bar coffi yn gwerthu paninis a chrempogau ar Y Sgwâr yng Nghorwen.

Os ydych yn pasio, beth am gael seibiant yn siop fferm organig Rhug, ar yr A5. Yma cewch nid yn unig gigydd yn gwerthu cig organig wedi’i godi ar y fferm ond stondin gwerthu byrgyrs yn gwerthu byrbrydau poeth blasus. Hefyd ceir siop yn gwerthu ystod eang o gynhyrchion eraill i chi fynd adref gyda chi neu eu mwynhau yn ystod eich arhosiad yma.